好耐都無打日記啦, 自從畢業禮完左之後 (相貼左係facebook度), 我同winnie就忙住準備去旅行既行程同訂房, 機票, 去邊度玩等等各樣野, 搞左好多日下都...... 係度想補番d感想。
八月九日
呢日係畢業禮大日子, Bachelor of Business 既畢業生係o係呢日既11點, location係Utas既 University Centre, 即係以前上OB 同 FM 果度 ~ 好懷念呀~!~!!
多謝咁多位朋友抽空出席我, WINNIE 同JESSICA既畢業禮, 包括阿中, 子明, 阿祺, 蛇明, 阿雪, KELVIN幫我地影相啦, MENGFOO, KENNY, 阿沅, JENNY, KATHRINE, 寶兒, 陳芷珊姐妹, 同埋同我地影相既朋友包括ALEX, VINCENT等等~~~~~ THANK YOU ALL~!!!
八月十三日
呢晚同子明, CINDY, 蛇明, WINNIE食飯, 當係告別晚飯啦。我地去左粥粉面飯度食, 仲撞倒阿揚同佢朋友係度食飯。食食下見倒千年難得一見既奇影, MOUNT WELLINGTON o的雪落到黎SANDY BAY RD...... WE'RE ALL SO SURPRISED AND EXCITING ABOUT THAT 因為上過兩次威靈頓山都見唔倒落雪, 淨係舖滿晒雪。子明仲即時拍左段片, 仲訪問埋我, 段片係facebook度俾子明tag左啦, 有興趣可以去睇下, 其實好多係果度讀幾年學生都可能未見過山腳落雪, 真係好難得既奇景。仲記得當時我地飲完飯飲緊野, 見倒落雪全部走晒出去玩雪, 落左幾分鐘之後, 雪變番雨水, 好得意。
八月十四日
早機離開HOBART既大日子, 係度逗留左一年零八個月左右, 其實都幾唔捨得, 畢竟大學生活係度度過, 再加上呢度帶俾我好多美好既回憶, 我唔係作緊文, 真係好好既回憶, 我會銘記腦海深處, 願主祝福各位HOBART既朋友，包括擦身而過果D，因為係你地身上可能俾我體驗左某D係香港可能見唔倒既野都唔奇, THANK YOU。
HOBART TO MELBOURNE
八月十四至十六日
o係墨爾本留左三日兩夜, 主要遊覽過當地既唐人街, 旅遊塔, 同埋CENTRAL 地帶, 仲有MELBOURNE STADIUM等等.
難忘: 走果時上左SHUTTLE BUS去到SKYBUS STATION先記得兩部LAPTOP漏左係住宿果度, 飛的去攞番, 好在趕得切班機。
八月十六至十九日
由墨爾本直飛黃金海岸, 到果時已經係夜晚, 搭左廿蚊的士去到酒店，惊覺接待處已經關左, 電話又失靈, 無晒辦法之下我出左去搵電話亭, WINNIE係度等消息, 點知我一出到去路口有個澳洲人落車, 跟住我望住佢, 佢又望住我, 路我佢俾完錢我問佢知唔知點搞，佢話知，係果邊咁話，跟住我以為我住果間野有兩個門口，點知兩間野個名差唔多，但係係另一間來的。
之後行番出去再搵電話打，點知電話都壞埋, 入左錢打唔倒, 搞左一輪收倒WINNIE電話話有SECURITY 黎搞掂左, 一天光晒，差D無得訓。
係黃金海岸我地去左兩個主題樂園, 分別係 WARNER BROS MOVIE WORLD 同埋 WET N WILD 水上樂園。前者既機動遊戲刺激程度爆晒燈，等別係SUPERMAN，有機會去GOLD COAST真係要試下。 至於第日去WET N WILD 就論盡D, 我地用左好多時間去SURFERS PARADISE 度買泳裝, 搞到遲左去玩， 得番2個鐘頭玩，玩唔晒啦當然，不過好在玩左果D都OK。
難忘: 走果時去到機場，一入去就火警警鐘響，跟住全部人疏散，咁既奇景你見過未=,=""""
八月十九至廿一日
黃金海岸直飛悉尼。。。
悉尼之前睇陳奕迅MOVING ON STAGE 5去過，仲去左5日咁多，好多地方都去過。今次唯有做導遊，帶WINNIE周圍去。 等別去番之前無去既360度遼望塔， 好多中國遊客係果度， 仲俾我聽倒有人講野野操我鄉下口音。。 都係悉尼歌劇院果D啦。
之後我地係廿一號轉飛吉隆坡，係機場小插曲，我地漏左部相機o係gate 10 既chair度，仲要起左飛先醒起，灰爆，點知落機時有個澳洲人將佢送番我手上，超感動。
八月廿一日至廿四日
落左機諗住拎番d行李去搵BRIAN啦，D行李要搭一陣火車去第度先攞倒，夠晒特別。。。MEET 左BRIAN就後我同WINNIE超肚餓，去BURGER KING 食左個好好味既雙層黑椒牛包，好好味下。
之後我地去brian度沖完涼，就去佢屋企附近既FOOD COURT -- 好似叫118, 佢話馬來西亞好多food court都係用數字做名.......
之後廿二號同winnie爸爸朋友個仔去左好多明星 (見倒d相有周杰倫, she, eason, 譚校長等等好多)幫襯過既"新峰肉骨茶" 度嘆番餐正宗既肉骨茶。之後我地去左吉隆坡既購物金三角度買野, 我買左個250G EX HARDISK, 折埋五百零蚊港紙，都幾抵。
之後MEET埋BRAIN個FD 一齊上雲頂, 馬來人既"避暑山莊", 馬來西亞一年365日都好熱同好焗下, 住耐D都頂唔順，可能之前係TASMANIA天氣比較凍適應唔倒啦突然間。
雲頂: 買左個CONVERSE 袋, 同埋一D特產, 好少, 因為無磅, 可能無得送俾各方好友，抱歉~!~! 四個人住埋一間DOUBLE ROOM@FIRST WORLD HOTEL，好似呢個名。
仲係果度玩左個遊樂場, 第一次放晒手玩跳樓機, 高過海洋公園果個，感覺好正。仲有MINI KART都OK。
八月廿四至廿六日
KUALA LUMPUR TO MACAU
第一晚住新葡京二千幾蚊房，WINNIE爸爸朋友送既房，間房好正, 連TOILET入面都有個入墻式電視係度，沖涼用HERMES SHAMPOO, CONDITIONER AND SHOWER CREME, 走果時仲拎走埋支HERMES BODY LOTION 同埋幾盒HERMES SOAP，因為好靚下個盒。
MACAU: 食左間好好味既葡國菜館, 叫唔知咩咖喱屋, 食左兩次咁多。上MANDY同WAIVE響星際間行政房睇澳門夜景等等
八月廿六日
超興奮地番到香港上環碼頭，臨打的前諗住俾番部裝住所有旅行既相既相機WINNIE，佢話放係我度先，點知咁就出事啦，因為我唔小心漏左係架的士度，D相........... 好慘 ~><~
RELI SORRY, 唯有係度將D事件盡量記低。作為呢次畢業之澳洲加吉隆坡遊既回憶啦。
。。。。。。。。ALL THE BEST TO EVERYBODY。。。。。。。。。。
(明報)10月28日 星期二 05:05
Chatboard (0)